سياسة الخصوصية
آخر تحديث: 2026-11-15
كيوي تطبيق لحساب السعرات والماكروز. هذي الصفحة تشرح وش البيانات اللي نحفظها، وليش، ومين يشوفها، وكيف تحذفها. لأي سؤال راسلنا على support@kiwi.diet.
حسابك
ما نطلب منك إيميل ولا كلمة سر ولا رقم جوال لاستخدام التطبيق. أول ما تفتح كيوي، ينشئ التطبيق حساب مجهول مربوط بجهازك، ونستخدمه عشان نعرف بياناتك من بيانات غيرك.
البيانات اللي نحفظها
- إجاباتك في بداية التطبيق، مثل هدفك وعمرك وطولك ووزنك ومستوى نشاطك، عشان نحسب خطتك اليومية.
- الوجبات اللي تسجلها، مع سعراتها والبروتين والكارب والدهون ووقت تسجيلها.
- أوزانك اللي تسجلها، عشان نرسم لك تقدّمك.
- حالة اشتراكك (هل أنت مشترك أو في فترة تجربة).
نحفظ هذي البيانات في خوادم عند مزود استضافة سحابي، ونستخدمها بس لتشغيل التطبيق لك.
صور الوجبات والنص اللي تكتبه
لما تصوّر وجبة أو تكتب وش أكلت، نرسل الصورة أو النص لمزود ذكاء اصطناعي خارجي عشان يقدّر الأصناف والكميات والسعرات. ما نخزن الصورة عندنا بعد التحليل. اللي نحفظه هو نتيجة الوجبة اللي تختار تسجلها.
الاشتراك والدفع
الدفع يتم عن طريق آبل، وما نشوف بيانات بطاقتك. نستخدم خدمة RevenueCat عشان نعرف حالة اشتراكك ونفتح لك المزايا.
الإشعارات
إذا سمحت بالإشعارات، نستخدمها للتذكير، مثل تنبيهك قبل ما تخلص التجربة المجانية. تقدر توقفها من إعدادات الآيفون.
قائمة الانتظار في هذا الموقع
إذا سجّلت إيميلك أو جوالك في الموقع، نستخدمه بس عشان نعلمك لما ينزل التطبيق. وتقدر تطلب حذفه بأي وقت.
اللي ما نسويه
- ما نبيع بياناتك.
- ما نعرض إعلانات، وما نستخدم أدوات تتبع إعلانية.
حذف بياناتك
تقدر تحذف كل بياناتك من داخل التطبيق: الإعدادات، ثم حذف البيانات. ولو حذفت التطبيق بدون ما تحذف بياناتك، راسلنا ونحذفها لك.
التغييرات على هذي السياسة
إذا غيرنا شي مهم، بنحدّث التاريخ فوق ونبلغك داخل التطبيق.