صوّر أكلك،
وكيوي يحسب سعراته
تطبيق حساب السعرات، عربي من أول شاشة ومسوّى في السعودية. يعرف الكبسة وأكل البيت، وطلبات البيك وكودو وهرفي.


كيف يشتغل

صوّر
صوّر صحنك، وكيوي يقدّر السعرات والبروتين والكارب والدهون.

عدّل
تشوف جرامات كل صنف وتعدّلها لو تبي. وإذا ما صوّرت، اكتب وش أكلت بالعربي وكيوي يحسبه.

تابع
تعرف كم باقي لك اليوم، وتشوف سلسلة أيامك ووزنك وسعراتك على أسابيع.

أكلك موجود، حتى طلبات المطاعم
ابحث باسم المطعم أو اسم الطبق، بالعربي وبالأسماء اللي نعرفها.
أكثر من 14,000
صنف من 100 سلسلة مطاعم
- البيك
- كودو
- هرفي
- الرومانسية
- شاورمر
- الطازج
- حاشي باشا
- ماكدونالدز
- ستاربكس
- بارنز
- دوار السعادة
- مايسترو بيتزا
- وغيرها

اللي تدوّر عليه في قوقل، تلقاه هنا
- سعرات البيك
- سعرات الكبسة
- سعرات الشاورما
- كم سعرة في المندي
وأكل البيت بعد
كبسة دجاج
مندي لحم
شاورما دجاج
تمر وقهوة

خطة على مقاسك،
وتشوف تقدّمك
خطتك اليومية
من هدفك ووزنك ونشاطك، يحسب لك كيوي سعراتك اليومية والبروتين والكارب والدهون.
سلسلة أيامك
كل يوم تسجّل فيه يزيد السلسلة. شي بسيط يخليك ترجع بكرة.
صفحة تقدّمي
وزنك وسعراتك على مدى أيام وأسابيع، عشان تشوف وين رايح.
السعر واضح
الأسعار عند الإطلاق.
سنوي
يطلع تقريباً 12.50 ريال بالشهر
149.99ريال
شهري
29.99ريال
- ننبهك قبل ما تخلص التجربة.
- تلغي متى ما بغيت.
- بدون إعلانات.
أسئلة ممكن
تجي في بالك
متى ينزل التطبيق؟
كيوي مو موجود في آب ستور للحين، ونشتغل على آخر التفاصيل. سجّل إيميلك أو جوالك فوق، وأول ما ينزل بنعلمك.
كم السعر؟
اشتراك سنوي بـ 149.99 ريال ومعه 3 أيام تجربة مجانية، أو اشتراك شهري بـ 29.99 ريال. ما فيه إعلانات.
كيف التجربة المجانية؟ وكيف ألغي؟
مع الاشتراك السنوي تجرّب 3 أيام مجاناً، وننبهك قبل ما تخلص التجربة. الاشتراك عن طريق آبل، وتقدر تلغيه متى ما بغيت من إعدادات اشتراكات الآيفون.
لازم أكتب الجرامات؟
لا. صوّر أكلك أو اكتب وش أكلت، وكيوي يقدّر الكمية. وإذا تبي دقة أكثر، عدّل الجرامات قبل ما تسجّل.
هل السعرات دقيقة؟
صورة الوجبة تعطيك تقدير، مو ميزان. عشان كذا نعرض لك كل صنف بجراماته وتقدر تصحّحه. وأصناف المطاعم مسجلة بأسمائها مثل ما تلقاها في قائمة المطعم، فتختار الطلب نفسه اللي أكلته. والأرقام التقريبية معلَّم عليها في التطبيق.
وين تروح بياناتي؟
ما تحتاج تسوي حساب بإيميل أو كلمة سر. نحفظ إجاباتك ووجباتك ووزنك عشان نحسب خطتك، والصورة تنرسل للتحليل وما نخزنها. وتقدر تحذف كل بياناتك من الإعدادات. التفاصيل في سياسة الخصوصية.
يشتغل على أندرويد؟
نبدأ بالآيفون. سجّل معنا، وإذا صار فيه نسخة أندرويد بنعلمك.

جاهز تعرف وش تاكل؟
كيوي قريب. خلنا نعلمك أول ما ينزل.
عندك سؤال؟ راسلنا على support@kiwi.diet
